بِسْمِ اللَّهِ الرَّحْمَٰنِ الرَّحِيمِ أَلَمْ نَشْرَحْ لَكَ صَدْرَكَ

Әйә Мухәммәд г-м синең күкрәгеңне ачмадыкмы һәм иман, хикмәт белән күңелеңне йомшак кылмадыкмы.

وَوَضَعْنَا عَنْكَ وِزْرَكَ

Вә синнән авыр йөкне төшердек түгелме.

الَّذِي أَنْقَضَ ظَهْرَكَ

Ул авырлык аркаларыңны авырттыра иде түгелме.

وَرَفَعْنَا لَكَ ذِكْرَكَ

Һәм синең исемеңне кешеләр арасында мактаулы зекер белән дәрәҗәгә күтәрдек түгелме?

فَإِنَّ مَعَ الْعُسْرِ يُسْرًا

Дөреслектә файдалы булган җиңеллек авырлыктан соң

إِنَّ مَعَ الْعُسْرِ يُسْرًا

Дөреслектә авырлыктан соң гына файдалы җиңеллек табыла.

فَإِذَا فَرَغْتَ فَانْصَبْ

Бер хәерле эштән бушансаң, икенче хәерле эшне эшләргә тырыш.

وَإِلَىٰ رَبِّكَ فَارْغَبْ

Һәм Раббыңның рәхмәтенә кызык, Раббыңа таба ашык, һәм һәрвакыт Ул риза булачак хәерле эшләр белән мәшгуль бул!