بِسْمِ اللَّهِ الرَّحْمَٰنِ الرَّحِيمِ الْقَارِعَةُ

(یه‌کێکه له ناوه‌کانی ڕۆژی قیامه‌ت) واته‌: ئه‌و گرمه‌یه‌یی دڵان ده‌له‌رزێنێت.

مَا الْقَارِعَةُ

ئاخۆ_القارعه‌_چی بێت؟

وَمَا أَدْرَاكَ مَا الْقَارِعَةُ

(تۆ ئه‌ی ئینسان) چی فێری کردویت که‌_القارعه‌_چی یه‌!!

يَوْمَ يَكُونُ النَّاسُ كَالْفَرَاشِ الْمَبْثُوثِ

ئه‌و ڕۆژه خه‌ڵکی وه‌کو په‌پووله‌ی سه‌رگه‌ردان په‌رش و بڵاو ده‌بنه‌وه‌.

وَتَكُونُ الْجِبَالُ كَالْعِهْنِ الْمَنْفُوشِ

کێوه‌کانیش وه‌کو خوری شیکراوه‌یان لێ دێت (سووك ده‌بن و چاڵ و چۆڵیان پێ پڕ ده‌کرێته‌وه‌).

فَأَمَّا مَنْ ثَقُلَتْ مَوَازِينُهُ

جا ئه‌وه‌ی ته‌رازووی خێری سه‌نگین بێت.

فَهُوَ فِي عِيشَةٍ رَاضِيَةٍ

ئه‌وه له بارودۆخێکی خۆش و ئاسووده‌دا ژیان ده‌باته سه‌رو زۆر پێی ڕازیه‌.

وَأَمَّا مَنْ خَفَّتْ مَوَازِينُهُ

ئه‌وه‌ش ته‌رازووی (خێرو چاکه‌ی) سووك بێت (گوناهی زۆر بێت).

فَأُمُّهُ هَاوِيَةٌ

ئه‌وه دایکی ئه‌و دۆزه‌خه (باوه‌شی بۆ کردۆته‌وه‌)

وَمَا أَدْرَاكَ مَا هِيَهْ

جا تۆ چووزانی (هاویه‌) چیه‌؟!

نَارٌ حَامِيَةٌ

ئاگرێکی زۆر سوتێنه‌رو بڵێسه‌داره (هه‌رگیز خامۆش نابێت و تینی که‌م ناکات و له کۆڵی نابێته‌وه‌).