بِسْمِ اللَّهِ الرَّحْمَٰنِ الرَّحِيمِ إِذَا السَّمَاءُ انْفَطَرَتْ

Он гоҳ, ки осмон бишикофад

وَإِذَا الْكَوَاكِبُ انْتَثَرَتْ

ва он гоҳ ки ситоратон пароканда шаванд

وَإِذَا الْبِحَارُ فُجِّرَتْ

ва он гоҳ, ки дарёҳо ба ҳам бипайванданд

وَإِذَا الْقُبُورُ بُعْثِرَتْ

ва он гоҳ, ки қабрҳо зеру забар (шикофта) гардаид,

عَلِمَتْ نَفْسٌ مَا قَدَّمَتْ وَأَخَّرَتْ

ҳар кас медонад, чӣ чиз пешопеш фиристода ва чӣ чиз бар ҷой гузоштааст.

يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ

Эй одамӣ, чӣ чиз туро ба Парвардигори каримат мағрур кардааст? (фирефтааст).

الَّذِي خَلَقَكَ فَسَوَّاكَ فَعَدَلَكَ

Он кӣ туро биёфарид, ва аъзоят дуруст кард ва туро мӯътадил қомат кард.

فِي أَيِّ صُورَةٍ مَا شَاءَ رَكَّبَكَ

Ва ба ҳар сурате, ки хост, аъзои туро ба ҳам андохт (таркиб дод).

كَلَّا بَلْ تُكَذِّبُونَ بِالدِّينِ

Не, не шумо рӯзи ҷазоро дурӯғ меҳисобед.

وَإِنَّ عَلَيْكُمْ لَحَافِظِينَ

Ҳол он ки бар шумо муҳофизоне (фариштагоне) вобаста шудаанд:

كِرَامًا كَاتِبِينَ

котибоне бузургвор

يَعْلَمُونَ مَا تَفْعَلُونَ

медонанд, ки шумо чӣ мекунед.

إِنَّ الْأَبْرَارَ لَفِي نَعِيمٍ

Албатта некӯкорон дар неъматанд

وَإِنَّ الْفُجَّارَ لَفِي جَحِيمٍ

ва гуноҳкорон дар ҷаҳаннам!

يَصْلَوْنَهَا يَوْمَ الدِّينِ

Дар рӯзи шумор (қиёмат) ба ҷаҳаннам дароянд

وَمَا هُمْ عَنْهَا بِغَائِبِينَ

ва аз он ғоиб нашаванд

وَمَا أَدْرَاكَ مَا يَوْمُ الدِّينِ

Ту чӣ донӣ, ки рӯзи шумор чист?

ثُمَّ مَا أَدْرَاكَ مَا يَوْمُ الدِّينِ

Боз ҳам ту чӣ донӣ, ки рӯзи шумор чист?

يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ

Рӯзест, ки касе барои каси дигар ҳеҷ коре натаванад кард ва дар он рӯз фармон фармони Худо бошад.