Al-Qaari'a

بِسْمِ اللَّهِ الرَّحْمَٰنِ الرَّحِيمِ الْقَارِعَةُ

Катылыгы вә куркынычы белән җирне вә күкләрне кагучы кыямәт көне!

مَا الْقَارِعَةُ

Никадәр каты куркынычлыдыр ул кыямәт көне!

وَمَا أَدْرَاكَ مَا الْقَارِعَةُ

Ул кыямәт көненең катылыгы вә куркынычы ни дәрәҗәдә икәнлеген сиңа кем белдерде?

يَوْمَ يَكُونُ النَّاسُ كَالْفَرَاشِ الْمَبْثُوثِ

Ул көндә кешеләр каты куркуларыннан тузылган чикерткәләр кеби тузылып таралып китәләр, һәм бер берсен күрмәсләр.

وَتَكُونُ الْجِبَالُ كَالْعِهْنِ الْمَنْفُوشِ

Вә таулар буялган вә тетелгән йон кеби булырлар.

فَأَمَّا مَنْ ثَقُلَتْ مَوَازِينُهُ

Берәүнең ягъни мөселманның үлчәүдә гөнаһына караганда сәвабы авырырак күберәк булса.

فَهُوَ فِي عِيشَةٍ رَاضِيَةٍ

Ул мөселман җәннәттә үзе разый булган рәхәт тормыштадыр.

وَأَمَّا مَنْ خَفَّتْ مَوَازِينُهُ

Вә бер мөселманның үлчәүдә сәвабына караганда гөнаһы авыр килсә ягъни яхшылыгына караганда яманлыгы күбрәк булса.

فَأُمُّهُ هَاوِيَةٌ

Аның анасы – мәрхәмәтсез булган Һавийә исемле җәһәннәм аңа урын булыр.

وَمَا أَدْرَاكَ مَا هِيَهْ

Ул һавийәнең нәрсә икәнен сиңа нәрсә белдерде?

نَارٌ حَامِيَةٌ

Ул һавийә кыздырылган утдыр.