بِسْمِ اللَّهِ الرَّحْمَٰنِ الرَّحِيمِ سَبِّحِ اسْمَ رَبِّكَ الْأَعْلَى

Номи Парвардигори бузурги худро ба покӣ ёд кун,

الَّذِي خَلَقَ فَسَوَّىٰ

он ки офарид ва дурустандом кард,

وَالَّذِي قَدَّرَ فَهَدَىٰ

Ва он ки андоза муъайян кард. Сипас роҳ намуд.

وَالَّذِي أَخْرَجَ الْمَرْعَىٰ

Ва он ки чарогоҳҳоро рӯёнид,

فَجَعَلَهُ غُثَاءً أَحْوَىٰ

сипас хушку сиёҳ гардонид.

سَنُقْرِئُكَ فَلَا تَنْسَىٰ

Ба зудӣ барои ту бихонем, мабод, ки фаромӯш кунӣ.

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

ғайри он чи Худо бихоҳад. Ӯст, ки ошкорову ниҳонро медонад.

وَنُيَسِّرُكَ لِلْيُسْرَىٰ

Ва туро ба дини осон тавфиқ диҳем.

فَذَكِّرْ إِنْ نَفَعَتِ الذِّكْرَىٰ

Агар панд, доданат суд кунад, панд деҳ.

سَيَذَّكَّرُ مَنْ يَخْشَىٰ

Он ки метарсад, панд мегирад.

وَيَتَجَنَّبُهَا الْأَشْقَى

Ва бадбахт аз он дурӣ мегирад,

الَّذِي يَصْلَى النَّارَ الْكُبْرَىٰ

он ки ба оташи бузурги ҷаҳаннам дарафтад

ثُمَّ لَا يَمُوتُ فِيهَا وَلَا يَحْيَىٰ

ва дар он ҷо на бимирад ва на зинда бошад.

قَدْ أَفْلَحَ مَنْ تَزَكَّىٰ

Албатта покон наҷот ёфтанд,

وَذَكَرَ اسْمَ رَبِّهِ فَصَلَّىٰ

онон, ки номи Парвардигори худро бар забон оварданд ва намоз гузориданд.

بَلْ تُؤْثِرُونَ الْحَيَاةَ الدُّنْيَا

Оре, шумо зиндагии ин ҷаҳонро ихтиёр мекунед,

وَالْآخِرَةُ خَيْرٌ وَأَبْقَىٰ

ҳол он ки охират беҳтару пояндатар аст.

إِنَّ هَٰذَا لَفِي الصُّحُفِ الْأُولَىٰ

Ин сухан дар саҳифаҳои нахустин аст,

صُحُفِ إِبْرَاهِيمَ وَمُوسَىٰ

саҳифаҳои Иброҳиму Мӯсо!