بِسْمِ اللَّهِ الرَّحْمَٰنِ الرَّحِيمِ سَبِّحِ اسْمَ رَبِّكَ الْأَعْلَى

Ən Uca Rəbbinin adına təriflər de!

الَّذِي خَلَقَ فَسَوَّىٰ

O Rəbbin ki, hər şeyi yaradıb kamilləşdirdi;

وَالَّذِي قَدَّرَ فَهَدَىٰ

O Rəbbin ki, hər şeyin müqəddəratını əzəldən müəyyən edərək yol göstərdi;

وَالَّذِي أَخْرَجَ الْمَرْعَىٰ

O Rəbbin ki, otlağı cücərtdi,

فَجَعَلَهُ غُثَاءً أَحْوَىٰ

sonra da qaralmış samana çevirdi.

سَنُقْرِئُكَ فَلَا تَنْسَىٰ

Biz sənə Quranı elə oxumaq imkanı verəcəyik ki, o, yadından çıxmayacaq.

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

Əlbəttə, Allahın istədiyindən başqa. Həqiqətən, O, aşkardakından da, gizli qalandan da xəbərdardır.

وَنُيَسِّرُكَ لِلْيُسْرَىٰ

Səni ən asan olana müvəffəq edərik.

فَذَكِّرْ إِنْ نَفَعَتِ الذِّكْرَىٰ

Xatırlatmanın fayda verdiyini görsən, onlara xatırlat!

سَيَذَّكَّرُ مَنْ يَخْشَىٰ

Allahdan qorxanlar öyüd-nəsihət götürərlər.

وَيَتَجَنَّبُهَا الْأَشْقَى

Ən bədbəxt kimsələr isə onu qulaqardına vurarlar.

الَّذِي يَصْلَى النَّارَ الْكُبْرَىٰ

O kimsə ki, Cəhənnəmə atılacaq,

ثُمَّ لَا يَمُوتُ فِيهَا وَلَا يَحْيَىٰ

O orada nə öləcək, nə də yaşaya biləcəkdir.

قَدْ أَفْلَحَ مَنْ تَزَكَّىٰ

Günahlardan təmizlənən kimsə isə uğur qazanmışdır.

وَذَكَرَ اسْمَ رَبِّهِ فَصَلَّىٰ

O kimsə ki, Rəbbinin adını xatırlayıb namaz qılmışdır.

بَلْ تُؤْثِرُونَ الْحَيَاةَ الدُّنْيَا

Xeyr, siz dünya həyatını olduqca üstün tutursunuz;

وَالْآخِرَةُ خَيْرٌ وَأَبْقَىٰ

Axirət isə daha xeyirli və daha sürəklidir.

إِنَّ هَٰذَا لَفِي الصُّحُفِ الْأُولَىٰ

Həqiqətən də bu, əvvəlki səhifələrdə bildirilmişdir –

صُحُفِ إِبْرَاهِيمَ وَمُوسَىٰ

İbrahimin və Musanın səhifələrində.