بِسْمِ اللَّهِ الرَّحْمَٰنِ الرَّحِيمِ إِذَا زُلْزِلَتِ الْأَرْضُ زِلْزَالَهَا

Yer özünə məxsus bir şiddətlə lərzəyə gəlib titrəyəcəyi zaman;

وَأَخْرَجَتِ الْأَرْضُ أَثْقَالَهَا

Yer öz yükünü çıxardıb atacağı zaman;

وَقَالَ الْإِنْسَانُ مَا لَهَا

İnsan (təəccüblə): “Buna (bu yerə) nə olub?” – deyəcəyi zaman -

يَوْمَئِذٍ تُحَدِّثُ أَخْبَارَهَا

Məhz o gün (yer) öz hekayətini söyləyəcəkdir -

بِأَنَّ رَبَّكَ أَوْحَىٰ لَهَا

Çünki (bunu) ona sənin Rəbbin vəhy etmişdir (buyurmuşdur)!

يَوْمَئِذٍ يَصْدُرُ النَّاسُ أَشْتَاتًا لِيُرَوْا أَعْمَالَهُمْ

O gün insanlar əməllərinin özlərinə göstərilməsi üçün (qəbirlərindən məhşərə) dəstə-dəstə çıxacaqlar! (Cənnətliklər sağ tərəfə, cəhənnəmliklər isə sol tərəfdə olacaqlar).

فَمَنْ يَعْمَلْ مِثْقَالَ ذَرَّةٍ خَيْرًا يَرَهُ

Kim (dünyada) zərrə qədər yaxşı iş görmüşdürsə, onu (onun xeyrini) görəcəkdir (mükafatını alacaqdır).

وَمَنْ يَعْمَلْ مِثْقَالَ ذَرَّةٍ شَرًّا يَرَهُ

Kim də zərrə qədər pis iş görmüşdürsə, onu (onun zərərini) görəcəkdir (cəzasını çəkəcəkdir).