Al-A'laa

بِسْمِ اللَّهِ الرَّحْمَٰنِ الرَّحِيمِ سَبِّحِ اسْمَ رَبِّكَ الْأَعْلَى

Litakase jina la Mola wako Mlezi aliye juu kabisa,

الَّذِي خَلَقَ فَسَوَّىٰ

Aliye umba, na akaweka sawa,

وَالَّذِي قَدَّرَ فَهَدَىٰ

Na ambaye amekadiria na akaongoa,

وَالَّذِي أَخْرَجَ الْمَرْعَىٰ

Na aliye otesha malisho,

فَجَعَلَهُ غُثَاءً أَحْوَىٰ

Kisha akayafanya makavu, meusi.

سَنُقْرِئُكَ فَلَا تَنْسَىٰ

Tutakusomesha wala hutasahau,

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

Ila akipenda Mwenyezi Mungu. Hakika Yeye anayajua yaliyo dhaahiri na yaliyo fichikana.

وَنُيَسِّرُكَ لِلْيُسْرَىٰ

Na tutakusahilishia yawe mepesi.

فَذَكِّرْ إِنْ نَفَعَتِ الذِّكْرَىٰ

Basi kumbusha, kama kukumbusha kunafaa.

سَيَذَّكَّرُ مَنْ يَخْشَىٰ

Atakumbuka mwenye kuogopa.

وَيَتَجَنَّبُهَا الْأَشْقَى

Na atajitenga mbali nayo mpotovu,

الَّذِي يَصْلَى النَّارَ الْكُبْرَىٰ

Ambaye atauingia Moto mkubwa.

ثُمَّ لَا يَمُوتُ فِيهَا وَلَا يَحْيَىٰ

Tena humo hatakufa wala hawi hai.

قَدْ أَفْلَحَ مَنْ تَزَكَّىٰ

Hakika amekwisha fanikiwa aliye jitakasa.

وَذَكَرَ اسْمَ رَبِّهِ فَصَلَّىٰ

Na akakumbuka jina la Mola wake Mlezi, na akasali.

بَلْ تُؤْثِرُونَ الْحَيَاةَ الدُّنْيَا

Lakini nyinyi mnakhiari maisha ya dunia!

وَالْآخِرَةُ خَيْرٌ وَأَبْقَىٰ

Na Akhera ni bora na yenye kudumu zaidi.

إِنَّ هَٰذَا لَفِي الصُّحُفِ الْأُولَىٰ

Hakika haya yamo katika Vitabu vya mwanzo,

صُحُفِ إِبْرَاهِيمَ وَمُوسَىٰ

Vitabu vya Ibrahimu na Musa.