Al-Maa'un

بِسْمِ اللَّهِ الرَّحْمَٰنِ الرَّحِيمِ أَرَأَيْتَ الَّذِي يُكَذِّبُ بِالدِّينِ

ئایا سه‌رنجت نه‌داوه له‌و که‌سه‌ی ئاینی خوا به درۆ ده‌زانێت؟!

فَذَٰلِكَ الَّذِي يَدُعُّ الْيَتِيمَ

که‌وابوو ئه‌و جۆره که‌سه ئه‌وه‌یه که پاڵ به هه‌تیوه‌وه ده‌نێت و پیایدا هه‌ڵده‌شاخێت.

وَلَا يَحُضُّ عَلَىٰ طَعَامِ الْمِسْكِينِ

هانی که‌سیش نادات تا خواردن و خۆراك ببه‌خشێت به هه‌ژارو نه‌داران.

فَوَيْلٌ لِلْمُصَلِّينَ

جا هاوارو واوه‌یلا بۆ نوێژگه‌رانێك...

الَّذِينَ هُمْ عَنْ صَلَاتِهِمْ سَاهُونَ

ئه‌و نوێژگه‌رانه‌ی گوێ ناده‌ن به نوێژه‌کانیان و کارکردی نیه له‌سه‌ریان و دڵی ناده‌نێ و لێی غافڵن...

الَّذِينَ هُمْ يُرَاءُونَ

ئه‌وانه‌ی که ڕیا بازن و به ڕووکه‌ش نوێژ ده‌که‌ن و ده‌یانه‌وێت خۆیان ده‌ربخه‌ن و (ئیمانداران بخه‌ڵه‌تێنن).

وَيَمْنَعُونَ الْمَاعُونَ

(هه‌میشه‌ش هه‌وڵ ده‌ده‌ن بۆ) قه‌ده‌غه کردنی هه‌موو چاکه‌‌و یارمه‌تی و کۆمه‌کی و هاوکاریه‌ك.