89Al-Fajr

بِسْمِ اللَّهِ الرَّحْمَٰنِ الرَّحِيمِ وَالْفَجْرِ

And olsun dan yerinə;

وَلَيَالٍ عَشْرٍ

And olsun on gecəyə (zülhiccə ayının birinci, yaxud ramazan ayının sonuncu on gecəsinə);

وَالشَّفْعِ وَالْوَتْرِ

And olsun cütə və təkə (tək olan xaliqə, erkək və dişi olmaqla cüt olan məxluqata; cüt olan hər şeyə, yaxud Qurban bayramına və yaxud Ərəfə gününə);

وَاللَّيْلِ إِذَا يَسْرِ

And olsun keçib getməkdə olan gecəyə (ki, qiyamət haqdır və siz kafirlər qiyamət günü dirilib əməllərinizin cəzasını layiqincə alacaqsınız)!

هَلْ فِي ذَٰلِكَ قَسَمٌ لِذِي حِجْرٍ

Məgər bunlarda (qiyamətin haq olması barədə) ağıl sahibi üçün and yoxmudur?!

أَلَمْ تَرَ كَيْفَ فَعَلَ رَبُّكَ بِعَادٍ

(Ya Peyğəmbər!) məgər görmədinmi ki, Rəbbin nələr etdi Ada (Hud peyğəmbərin Ad qövmünə)?!

إِرَمَ ذَاتِ الْعِمَادِ

Sütunlar sahibi (və ya: sütun kimi uca boylu) İrəmə (İrəm camaatına)?!

الَّتِي لَمْ يُخْلَقْ مِثْلُهَا فِي الْبِلَادِ

(Elə bir qövm ki) məmləkətlər (əhli) arasında onun kimisi yaradılmamışdı.

وَثَمُودَ الَّذِينَ جَابُوا الصَّخْرَ بِالْوَادِ

(Məgər görmədinmi ki, Rəbbin nələr etdi) vadidə qayaları olan Səmuda (Səmud qövmünə)?!

وَفِرْعَوْنَ ذِي الْأَوْتَادِ

Eləcə də saysız-hesabsız ordular sahibi Fir’ona?!

الَّذِينَ طَغَوْا فِي الْبِلَادِ

O kəslər ki, məmləkətlərdə tüğyan edir,

فَأَكْثَرُوا فِيهَا الْفَسَادَ

Oralarda çoxlu fitnə-fəsad törədirlər.

فَصَبَّ عَلَيْهِمْ رَبُّكَ سَوْطَ عَذَابٍ

Nəhayət, Rəbbin onlara əzab qamçısı endirdi.

إِنَّ رَبَّكَ لَبِالْمِرْصَادِ

Şübhəsiz ki, Rəbbin (bəndələrinin bütün əməllərini) baxıb görür.

فَأَمَّا الْإِنْسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ

İnsana gəldikdə, nə zaman Rəbbin onu imtahana çəkib ehtiram etsə, ona bir ne’mət versə, o: “Rəbbim mənə ehtiram göstərdi!” –deyər.

وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ

Amma nə zaman (Rəbbin) onu imtahana çəkib ruzisini əskiltsə: “Rəbbim məni alçaltdı (mənə xor baxdı)!” – söyləyər.

كَلَّا ۖ بَلْ لَا تُكْرِمُونَ الْيَتِيمَ

Xeyr! (Belə deməyin). Doğrusu, siz özünüz yetimə hörmət etmirsiniz (yetimin haqqını vermirsiniz).

وَلَا تَحَاضُّونَ عَلَىٰ طَعَامِ الْمِسْكِينِ

Bir-birinizi yoxsulu yedirtməyə rəğbətləndirmirsiniz.

وَتَأْكُلُونَ التُّرَاثَ أَكْلًا لَمًّا

Mirası (halal-haramına) varmadan yeyirsiniz (qadınların, uşaqların paylarını vermirsiniz).

وَتُحِبُّونَ الْمَالَ حُبًّا جَمًّا

Mal-dövləti isə lap çox sevirsiniz.

كَلَّا إِذَا دُكَّتِ الْأَرْضُ دَكًّا دَكًّا

Xeyr! Yer dağılıb parça-parça olacağı;

وَجَاءَ رَبُّكَ وَالْمَلَكُ صَفًّا صَفًّا

Rəbbinin əmri gəlib mələklər səf-səf duracağı

وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنْسَانُ وَأَنَّىٰ لَهُ الذِّكْرَىٰ

Və Cəhənnəmin (məhşər meydanına) gətiriləcəyi gün – məhz o gün insan (öz günahlarını) xatırlayacaqdır. Lakin bu xatırlamağın ona nə faydası?!

يَقُولُ يَا لَيْتَنِي قَدَّمْتُ لِحَيَاتِي

O: “Kaş ki, mən əvvəlcədən (axirət) həyatım üçün (yaxşı əməllər) edəydim!” – deyəcəkdir.

فَيَوْمَئِذٍ لَا يُعَذِّبُ عَذَابَهُ أَحَدٌ

O gün (Allahın) etdiyi əzabı heç kəs edə bilməz!

وَلَا يُوثِقُ وَثَاقَهُ أَحَدٌ

(Günahkarları) heç kəs Onun kimi zəncirləyə bilməz!

يَا أَيَّتُهَا النَّفْسُ الْمُطْمَئِنَّةُ

(Qiyamət günü Allah-təala mö’min kimsəyə belə buyuracaqdır:) “Ey (öz imanından, əməlindən və Allahın və’dindən) xatircəm olan kəs! (Və ya: “Ey arxayın nəfs!”)

ارْجِعِي إِلَىٰ رَبِّكِ رَاضِيَةً مَرْضِيَّةً

Dön Rəbbinə, sən Ondan razı olaraq, O da səndən!

فَادْخُلِي فِي عِبَادِي

(Əməlisaleh) bəndələrimin zümrəsinə daxil ol!

وَادْخُلِي جَنَّتِي

(Onlarla birlikdə) Cənnətimə varid ol!”