Al-Qaari'a

بِسْمِ اللَّهِ الرَّحْمَٰنِ الرَّحِيمِ الْقَارِعَةُ

Ürəkləri dəhşətə salan qiyamət!

مَا الْقَارِعَةُ

Nədir qiyamət?!

وَمَا أَدْرَاكَ مَا الْقَارِعَةُ

Sən nə bilirsən (haradan bilirsən) ki, nədir qiyamət?!

يَوْمَ يَكُونُ النَّاسُ كَالْفَرَاشِ الْمَبْثُوثِ

O gün insanlar kəpənək kimi ətrafa səpələnəcək (çəyirtkə kimi bir-birinə qatışacaq);

وَتَكُونُ الْجِبَالُ كَالْعِهْنِ الْمَنْفُوشِ

Dağlar isə didilmiş yun kimi olacaqdır!

فَأَمَّا مَنْ ثَقُلَتْ مَوَازِينُهُ

(O gün) tərəzisi ağır gələn (yaxşı əmələri pis əməllərdən çox olan) kimsə,

فَهُوَ فِي عِيشَةٍ رَاضِيَةٍ

(Cənnətdə) xoş güzəran içində olacaq!

وَأَمَّا مَنْ خَفَّتْ مَوَازِينُهُ

Tərəzisi yüngül gələn (yaxşı əməlləri pis əməllərdən az olan) kimsənin isə,

فَأُمُّهُ هَاوِيَةٌ

Məskəni Haviyə (Cəhənnəmin dibi) olacaqdır!

وَمَا أَدْرَاكَ مَا هِيَهْ

Sən nə bilirsən ki, o (Haviyə) nədir?!

نَارٌ حَامِيَةٌ

O çox qızmar bir atəşdir!