107Al-Maa'un

بِسْمِ اللَّهِ الرَّحْمَٰنِ الرَّحِيمِ أَرَأَيْتَ الَّذِي يُكَذِّبُ بِالدِّينِ

Әйә син хисаб вә җәза көнен, кыямәтне ялганга тоткан кешене күрдеңме?

فَذَٰلِكَ الَّذِي يَدُعُّ الْيَتِيمَ

Ул ялганчы ятимне кагар, аңа золым итәр.

وَلَا يَحُضُّ عَلَىٰ طَعَامِ الْمِسْكِينِ

Үзене һәм башкаларны кызыктырмас фәкыйрьләргә аш вә садака бирергә.

فَوَيْلٌ لِلْمُصَلِّينَ

Ни үкенеч вә һәлакәтлек ихлассыз намаз укучыларга.

الَّذِينَ هُمْ عَنْ صَلَاتِهِمْ سَاهُونَ

Алар намазларыннан гафилләр, вакытында укымаслар һәм намазның рүкеннәрен хөрмәт кылмаслар, намазларының вакытыннан кичегүенә кайгырмаслар.

الَّذِينَ هُمْ يُرَاءُونَ

Әле алар укыган намазларын да рия белән укырлар, ягъни кеше күргәндә укый, кеше күрмәгәндә укымый.

وَيَمْنَعُونَ الْمَاعُونَ

Ул рияче тиешле садакаларны бирмәс һәм тормыш әйберләрен вакытлыча биреп тормас.