بِسْمِ اللَّهِ الرَّحْمَٰنِ الرَّحِيمِ وَاللَّيْلِ إِذَا يَغْشَىٰ

Inã rantsuwa da dare a lõkacin da yake rufẽwa.

وَالنَّهَارِ إِذَا تَجَلَّىٰ

Da yini a lõkacin da yake kuranyẽwa.

وَمَا خَلَقَ الذَّكَرَ وَالْأُنْثَىٰ

Da abin da ya halitta namiji da mace.

إِنَّ سَعْيَكُمْ لَشَتَّىٰ

Lãlle ne ayyukanku, dabam-dabam suke.

فَأَمَّا مَنْ أَعْطَىٰ وَاتَّقَىٰ

To, amma wanda ya yi kyauta, kuma ya yi taƙawa.

وَصَدَّقَ بِالْحُسْنَىٰ

Kuma ya gaskata kalma mai kyãwo.

فَسَنُيَسِّرُهُ لِلْيُسْرَىٰ

To, zã Mu sauƙaƙe masa har ya kai ga sauƙi.

وَأَمَّا مَنْ بَخِلَ وَاسْتَغْنَىٰ

Kuma amma wanda ya yi rõwa, kuma ya wadãtu da kansa.

وَكَذَّبَ بِالْحُسْنَىٰ

Kuma ya ƙaryatar da kalma mai kyãwo.

فَسَنُيَسِّرُهُ لِلْعُسْرَىٰ

To, zã Mu sauƙaƙke masa har ya kai ga tsanani.

وَمَا يُغْنِي عَنْهُ مَالُهُ إِذَا تَرَدَّىٰ

Kuma dũkiyarsa ba ta wadãtar masa da kõme ba, a lõkacin da ya gangara (a wuta).

إِنَّ عَلَيْنَا لَلْهُدَىٰ

Lãlle aikinMu ne, Mu bayyana shiriya.

وَإِنَّ لَنَا لَلْآخِرَةَ وَالْأُولَىٰ

Kuma lalle ne Lãhira da duniya Namu ne.

فَأَنْذَرْتُكُمْ نَارًا تَلَظَّىٰ

Sabõda haka, Na yi maku gargaɗi da wuta mai babbaka.

لَا يَصْلَاهَا إِلَّا الْأَشْقَى

Bãbu mai shigarta sai mafi shaƙãwa.

الَّذِي كَذَّبَ وَتَوَلَّىٰ

Wanda ya ƙaryata, kuma ya jũya bãya.

وَسَيُجَنَّبُهَا الْأَتْقَى

Kuma mafi taƙawa zai nisance ta.

الَّذِي يُؤْتِي مَالَهُ يَتَزَكَّىٰ

Wanda yake bãyar da dũkiyarsa, alhãli yana tsarkaka.

وَمَا لِأَحَدٍ عِنْدَهُ مِنْ نِعْمَةٍ تُجْزَىٰ

Alhãli bãbu wani mai wata ni'ima wurinsa wadda ake nẽman sakamakonta.

إِلَّا ابْتِغَاءَ وَجْهِ رَبِّهِ الْأَعْلَىٰ

Fãce dai nẽman yardar Ubangijinsa Mafi ɗaukaka.

وَلَسَوْفَ يَرْضَىٰ

To, lalle ne zai yarda (da sakamakon da zã a bã shi).