Al-Ghaashiya

بِسْمِ اللَّهِ الرَّحْمَٰنِ الرَّحِيمِ هَلْ أَتَاكَ حَدِيثُ الْغَاشِيَةِ

(Ya Peyğəmbər! Dəhşəti aləmi) bürüyəcək qiyamətin xəbəri sənə gəlib çatdımı?

وُجُوهٌ يَوْمَئِذٍ خَاشِعَةٌ

(O gün) bir çox üzlər zəlil görkəm alacaq;

عَامِلَةٌ نَاصِبَةٌ

(Onlar Cəhənnəmin pillələrinə çıxıb-düşməklə boş yerə) zəhmət çəkib yorulacaq;

تَصْلَىٰ نَارًا حَامِيَةً

Yanar oda girəcəkdir;

تُسْقَىٰ مِنْ عَيْنٍ آنِيَةٍ

Və onlara qaynar bulaqdan (su) içirdiləcəkdir.

لَيْسَ لَهُمْ طَعَامٌ إِلَّا مِنْ ضَرِيعٍ

Onların yeməyi (zəhərdən və acı) zəri’dən başqa bir şey olmayacaqdır.

لَا يُسْمِنُ وَلَا يُغْنِي مِنْ جُوعٍ

(O yemək onlara) nə qüvvət verər, nə də aclıqdan qurtarar.

وُجُوهٌ يَوْمَئِذٍ نَاعِمَةٌ

(O gün) bir çox üzlər sevinəcək;

لِسَعْيِهَا رَاضِيَةٌ

(Dünyadakı) zəhmətindən razı qalacaq;

فِي جَنَّةٍ عَالِيَةٍ

(Dərəcəsi, qədir-qiyməti) yüksək Cənətdə olacaq,

لَا تَسْمَعُ فِيهَا لَاغِيَةً

Və orada heç bir boş söz (lağlağı) eşitməyəcəkdir.

فِيهَا عَيْنٌ جَارِيَةٌ

Orada axar bulaq;

فِيهَا سُرُرٌ مَرْفُوعَةٌ

Orada uca taxtlar;

وَأَكْوَابٌ مَوْضُوعَةٌ

(Çeşmələr kənarında) piyalələr;

وَنَمَارِقُ مَصْفُوفَةٌ

Bir-birinin yanına düzülmüş (yumşaq) balışlar

وَزَرَابِيُّ مَبْثُوثَةٌ

Və döşənmiş (nəfis) xalılar vardır!

أَفَلَا يَنْظُرُونَ إِلَى الْإِبِلِ كَيْفَ خُلِقَتْ

Məgər dəvəyə baxmırlar ki, necə yaradılmışdır?

وَإِلَى السَّمَاءِ كَيْفَ رُفِعَتْ

Göyə (baxmırlar ki) necə ucaldılmışdır?

وَإِلَى الْجِبَالِ كَيْفَ نُصِبَتْ

Dağlara (baxmırlar ki) necə dikəldilmişdir?

وَإِلَى الْأَرْضِ كَيْفَ سُطِحَتْ

Və yerə (baxmırlar ki) necə döşədilmişdir?

فَذَكِّرْ إِنَّمَا أَنْتَ مُذَكِّرٌ

(Ya Peyğəmbər! Mənim bəndələrimə) öyüd-nəsihət ver. Sən ancaq öyüd-nəsihət verənsən!

لَسْتَ عَلَيْهِمْ بِمُصَيْطِرٍ

Sən onların üzərində hakim deyilsən!

إِلَّا مَنْ تَوَلَّىٰ وَكَفَرَ

Lakin kim (imandan) üz döndərib (Qur’anı) inkar etsə

فَيُعَذِّبُهُ اللَّهُ الْعَذَابَ الْأَكْبَرَ

Allah onu ən böyük əzaba (axirət əzabına) düçar edər!

إِنَّ إِلَيْنَا إِيَابَهُمْ

Şübhəsiz ki, onların axır dönüşü Bizədir!

ثُمَّ إِنَّ عَلَيْنَا حِسَابَهُمْ

Onlarla haqq-hesab çəkmək də Bizə aiddir!