بِسْمِ اللَّهِ الرَّحْمَٰنِ الرَّحِيمِ هَلْ أَتَاكَ حَدِيثُ الْغَاشِيَةِ

Aləmi Bürüyənin xəbəri sənə gəlib çatdımı?

وُجُوهٌ يَوْمَئِذٍ خَاشِعَةٌ

O gün neçə-neçə üzlər zəlil olub yerə dikiləcək,

عَامِلَةٌ نَاصِبَةٌ

üzülüb əldən düşəcək,

تَصْلَىٰ نَارًا حَامِيَةً

çox qızmar oda girəcək,

تُسْقَىٰ مِنْ عَيْنٍ آنِيَةٍ

qaynar çeşmədən içirdiləcəkdir.

لَيْسَ لَهُمْ طَعَامٌ إِلَّا مِنْ ضَرِيعٍ

Onlara daridən başqa bir yemək verilməyəcəkdir.

لَا يُسْمِنُ وَلَا يُغْنِي مِنْ جُوعٍ

O onları nə doydurar, nə də aclıqdan xilas edər.

وُجُوهٌ يَوْمَئِذٍ نَاعِمَةٌ

O gün neçəsinin üzündə fərəh görünəcək,

لِسَعْيِهَا رَاضِيَةٌ

dünyadakı səylərindən məmnun qalacaq,

فِي جَنَّةٍ عَالِيَةٍ

uca Cənnətdə olacaq,

لَا تَسْمَعُ فِيهَا لَاغِيَةً

orada faydasız söz eşitməyəcəkdir.

فِيهَا عَيْنٌ جَارِيَةٌ

Orada axar çeşmələr vardır;

فِيهَا سُرُرٌ مَرْفُوعَةٌ

Orada hündür taxtlar,

وَأَكْوَابٌ مَوْضُوعَةٌ

düzülmüş piyalələr,

وَنَمَارِقُ مَصْفُوفَةٌ

yan-yana qoyulmuş yastıqlar,

وَزَرَابِيُّ مَبْثُوثَةٌ

və döşəmələrə sərilmiş xalçalar vardır.

أَفَلَا يَنْظُرُونَ إِلَى الْإِبِلِ كَيْفَ خُلِقَتْ

Məgər onlar dəvənin necə yaradıldığını görmürlər?

وَإِلَى السَّمَاءِ كَيْفَ رُفِعَتْ

Göyün necə yüksəldiyini görmürlər?

وَإِلَى الْجِبَالِ كَيْفَ نُصِبَتْ

Dağların necə sancıldığını görmürlər?

وَإِلَى الْأَرْضِ كَيْفَ سُطِحَتْ

Yerin necə döşədildiyini görmürlər?

فَذَكِّرْ إِنَّمَا أَنْتَ مُذَكِّرٌ

Onlara nəsihət ver! Sən yalnız nəsihətçisən.

لَسْتَ عَلَيْهِمْ بِمُصَيْطِرٍ

Sən onların üstündə hökmdar deyilsən.

إِلَّا مَنْ تَوَلَّىٰ وَكَفَرَ

Lakin üz döndərib küfr edəni,

فَيُعَذِّبُهُ اللَّهُ الْعَذَابَ الْأَكْبَرَ

Allah ən şiddətli əzabla cəzalandırar.

إِنَّ إِلَيْنَا إِيَابَهُمْ

Şübhəsiz ki, onların dönüşü Bizədir.

ثُمَّ إِنَّ عَلَيْنَا حِسَابَهُمْ

Sonra onları sorğu-suala çəkmək də Bizə aiddir.